Ido-renkontro Tallinn, Estonia 2009 (reklamo)

[Jose Cossio]

Trevez plu videi kam ica che Parolez Ido
Reklamo dil venonta Ido-renkontro Tallinn 2009 en la ret-pagino dil Uniono por la Linguo Internaciona (ULI):
www.idolinguo.com

www.ido.li

"Invito ad internaciona Ido-renkontro dum la tempo inter la 18ma til la 22ma di julio 2009 en Tallinn (Estonia) kun antea vizito di Riga (Latvia) inter la 16ma e la 18ma di julio 2009.

Kara Ido-amiki en la tota mondo!

Per ico me invitas omna Idisti ed interesemi a la internaciona Ido-renkontro 2009.

Voluntez skribar aden via kalendarii - la rekontro eventos en Riga, chefurbo di Latvia, inter la 16ma di julio 2009 (arivo) e la 18ma di julio 2009 (komuna departo a Tallinn) ed inter la 18ma di julio 2009 (arivo) e la 22ma di julio 2009 (departo) en Tallinn, chefurbo di Estonia.

La programprojeto esas maxim simple tale:

* 1-ma dio: arivo en Riga
* 2-ma dio: libera tempo por exkurso
* 3-ma dio: antedimeze libera tempo por exkurso e posdimeze voyajo per autobuso a Tallinn
* 4-ma dio :matine laborkunsido e posdimeze libera tempo por exkurso
* 5-ma dio :matine laborkunsido e pozdimeze libera tempo por exkurso
* 6-ma dio: libera-tempo por exkurso
* 7-ma dio: adio e departo

Ma fakte, kelko povas chanjar e kompreneble, plusa informi aparos. Komence di aprilo me vizitis Riga pro informar su ibe pri apta hoteli ed olua kondicioni. Fine me selektis la hotelo "Kolonna Hotel". Vi povas vidar la hotelo ultre altro ye la ret-situo di booking.com: http://Booking.com/KolonnaHotelRiga.

Me ipsa regardis kelka chambri di ica hotelo dum mea vizito, do me povas konfirmar, ke la fotografuri esas kredebla :)

Yen la kondicioni dil hotelo "Kolonna Hotel Riga" po nokto, qui inkluzas la dejuneto:

* 1-lita chambro kustas 35 Euri.
* 2-lita chambro kustas 50 Euri.
* 3-lita chambro kustas 60 Euri

Me, kom habitanto di Tallinn, esos kompreneble la precipua organizero, e me esforcos donar maxim posible multa informi koncerne venonta Ido-renkontro. Ma me anke volus esar informita da vi pri via projeti. Se me savus maxim frue pri via certa veno, me povus plu bone organizar la hoteli, kunven-salono e cetere.

En Tallinn me selektis la hotelo OldHouse por divenar la precipua loko ube la partoprenanti tranoktos. Employati dil hotelo esis tre amikiva e montris a me la hotelo e gastodomo. Yen la adreso, la telefonnumero, la faxnumero e la e-postala adreso dil hotelo:

Hotel OldHouse
Uus 22, Tallinn, Estonia
Telefono : ([phone]
Faxo: ([phone]
E-posto : [e-mail]

Che http://www.oldhouse.ee trovesas informi pri ca hotelo en kelka lingui. Che http://www.oldhouse.ee/eng_howtofindus.php vi povas vidar, ube situesas la hotelo en Tallinn.

Malgre la hotelo es un de la maxim chipa en la urbo, ol es perfekte situata - en anciena historiala centro dil urbo, cirkume 5 minuti pede de placo dil urbo-guvernerio, 300 metri de staciono di tramo, 1km de portuo (adube arivas la paromi de Finlandia/Suedia), kun multa restorerii ed altra loki interesiva.

La hotelo esas modesta ma suficante komfortoza, kun koqueyeto, senkabla aceso aden l'interreto e saloneto. Chambri esas tre modesta, kun 2, 3, 5, o mem 6 liti. La preci diferas inter 20 e 35 Euro po lito, dependante de la quanto di liti po chambro e ka la chambro esas en la hostelo od en la gastadomo (gastadomo esas 10-15% plu chera). Kustumale la preci ne inkluzas la dejuneto, ma hotelisti promisis inkluzar lo se ni rezervas nia chambri sat frue (komprenende, la hotelisti prizas la grupi qui venas por kelka nokti). La hotelo havas cirkume 35 liti en hostelo ed 20 liti en gastodomo, do ni forsan sucesos lojar en la hostelo.

Ma se kelka personi decidas pri sua veno tro tarde, me esas certa trovor hotelo kun simila preco proxim de OldHouse. Fakte, me mem vizitis kelka altri hoteli ed omna esas sat komfortoza.

Koncerne kunven-salono me ankore ne esas certa. Ma to esas nula problemo, pro quo ni havas tre multa posiblesi hike en Tallinn por trovar lo. Me esforcos organizar kunveno en nova kontoro di firmo ube me laboras, e se me ne sucesos, me trovos altra loko.

Me organizos la renkontro dum mea vakanco. Un kozo esas certa - vi omni esas bonvenanta, ed Estoniana Idisti esforcos organizar maxim bona internaciona Ido-renkontro di nova tempo :)

Kordiala saluti de Tallinn,
Johnny"

Danko pro la elaborado di ca enskriburo:

Anvarzhon "Johnny" Zhurajev (Estonia), pro la texto.

Rodrigo Gonzalez (Chilia), pro tradukir la video.

[Rodrigo Gonzalez]

Kelka noto: Jose, me es Chiliano! ;-)

[Jose Cossio]

Ups!

Korektigita, Rodrigo!

Rodrigo Gonzalez dicis:

Kelka noto: Jose, me es Chiliano! ;-)

[Kiran]

Kar amiki,
Me dankas vi pro la ecelanta reklamo. Olun me multe prizis vidar. Me sugestas 'Promenez a la pasajo' o 'Promenez sur la voyo a pasinta tempo' kom tradukuri por 'Walk the way to the past'.

Rodrigo Gonzalez dicis:

Ups!, forsan (ka fakte?) existas plu bone tradukuro vice mea "Promenez alonge la pasinto".
La originala texto (qua es en l'angla) dicas: "Walk the way to the past" ...Tamen me ne komprenas l'angla (nur lo bazala), do me ne es tote sekura.
Amikale.