Parolez Ido

Kara amiki!. Tre balde komencos la futbala mondala championeso en Sud-Afrika komencos ye la venerdio. Hike en Germania la intereso esas tre granda. Ka vi havas interereso pri futbalo? Quala esquado ganos la turniro? Ka vi regardos la championeso per la televiziono?


Views: 168

Reply to This

Replies to This Discussion

Hola Sr.Schmidt. Me multe prizas la futbalo e me pensas la mondala championeso esas la maxim granda festo di ica sporto. En mea lando Hispania anke la intereso esas tre granda pro ke unesmafoye de multa yari ante nun la hispaniana esquado povus divenor championo ( malgre sempre ol deceptas).
Pluse nia kordio imperas a ni, altra landal esquadi havas granda posibleso: Germania ,Italia, Brazilia, Argentinia,...
Irgakaze me esperas vidar bona championeso e juar per televiziono bona futbalo.
Yes amiki, cadie komencas la Mondala Futbal-Konkurso 2010 en Sud-Afrika. Me ipsa ne multe savas pri futbalo, pro ke la sporto ne interesas me. Tamen icayare me esforcos lernar tam multe kam posibla pri la konkurso. Do, segun via opiniono, qua ganos la Kupo?
Me pensas ke existas forsan cirkum dek nacioni, qui povas ganar la championeso: Argentinia, Anglia, Hispania, Italia, Brazilia, Germania ....

Me personale ofte joyas se "mikra futbala" landi quale Slovenia, Slovakia ... esas sucesoza en tala konkursi.

Ni vartez! Ja la hodiala ludi montris ke la nivelo di la esquadi esas tre simila!
Me jus spektis la konkurso inter Germania e Australia. La esquado Germania vinkis ta di Australia 4-0. Brave esquado Germania!
Kiran dicis:
Me jus spektis la konkurso inter Germania e Australia. La esquado Germania vinkis ta di Australia 4-0. Brave esquado Germania!

Yes nia esquado ludis ecelante hodie. La germana esquado esas tre yuna. Por me hodie Thomas Müller de Bayern München esis la maxim bona ludero di Germania. Til nun Germania esis la maxim forta esquado, ma Brazilia, Nederlando, Italia, Hispania e Portugal ne ludabis til nun.

Cetere multa vorti di futbalo til nun existas oficale en Ido. Pro to ne esas facile skribar pri futbalo en Ido! Esus granda tasko por la linguala komitato.
Me gratulas duople tu, Thomas, nam camonate tua naciono vinkis dufoye, unesme la konkurso Euroviziono, da Lena, e ye ca 13ma di Junio, kande Germania vinkis 4-0 Australia. Via futbalesquado es tre povoza ed efikiva.

Pri la manko di vorti sportala, co es bona chanco opinionar prie. Forsan tu povas kreor mikra wikivortaro idal pri futbalo. Exemple:

Futbal-arko: un del du anguloza arki adextreme la ludtereno quan la rivala esquado mustas trairar per la balono por ganar punto.
Ark-gardero (kad arkero?): la ludanto di qua la laboro es durar apud la futbalarko impedar la eniro dil balono en la futbalarko.
Yes, me pensis preske same kam Jose. Se mankas necesa vorti pri certena temo, ni ne timez propozar e mem uzar tala vorti en nia mesaji. Por omnadiala komuniki, me pensas ke ni ne devas sempre adjuntar '*'-i ad omna nova vorti. Se ulu ne komprenas certena vorto, lu nur demandez la signifiko de la originala skribero dil vorto.
Hiere la esquado di Mexikia triumfis en la konkurso kontre Francia. Javier HERNANDEZ e Cuauhtemoc BLANCO facis la du goli* por ganar la finala konto 2-0. Brave esquado Mexikia!
Me gratulas la mexikiana esquado! Hodie esis granda decepto en Germania pro la 0:1 vinkeso kontre Serbia. Multa homi hodie finabis sua laboro plu frue pro regardar la ludo. Ma la reda karto por Klose en la unesma *mi-tempo decidis la ludo. Tre stulta esis ke Podolski ne esis kapabla sucesar per dek-e-un metri *punis-stroko. Nun Germania mustas vinkar ye la merkurdio kontre Ghana.

Forsan vi havas plu bona idei por la vorti *punis-stroko o *mi-tempo. Regretinde ne existas oficala vorti por li en Ido til nun!

"Chicharito" Hernandez

Danko, Thomas! Advere co esis deziregata ma anke surprizanta vinko da Mexikia, qua nultempe ganabis ludo kontre Francia.

Pri la vorti propozata, me ne uzis steleti (*) pro ke oli es kompozita vorti per ja existanta radiki, e forsan lo konfuzanta esus lia kompreno, ma quoniam* ni es parolanta pri futbalo, me kredas ke konfuzo es poke probabla.

Mi-tempo: unesma mi-tempo, duesma mi-tempo. Ol komprenesas, ma danke la kuntexto, specale kande on adjuntas unesma o duesma, e se ni komprenas ke la ludo duras 90 minuti dividita inter du tempi de 45 minuti. Ma altralatere, mi-tempon on povus komprenar quale la duimo di un tempo, ed en mea lando, on konsideras ke existas DU tempi de 45 minuti single! En la Hispanaparolanta kulturo on uzas plu bone "unesma tempo" e "duesma tempo", ed inter amba, la tempo-mezo, dekekin minuti por repozar e rihidrizar* la korpo.

Punis-stroko: stroko por punisar. Pro ke me vidis la ludo, me savas ke on parolas pri "penalty" o Hispane "tiro (de) penal" (literale "punis-pafo). Ma, kad omna punis-stroko signifikus "penalty"? Anke angul-pafo esus punis-stroko, o nedireta pafo facita de la meza tereno. Punis-pafo, punis-jeto o punis-lanso es anke uzebla. Ni devas konsultar en Linguolisto pri la senco di singla radiki.
Yes, amba mi-tempo e punis-stroko es komprenebla. Me sugestas anke punis-kiko.
Nu, amiki, per la angla linguo ni havas: Coach, Goalkeeper, Defender, Midfielder, Forward. Quale vi nomizas tala pozicioni per via lingui?

Reply to Discussion

RSS

Forum

Quale esas la vetero en vua loko ca-die?

Started by Marcus Trawick in Generala diskuti. Last reply by João X. M. Santos Aug 25, 2016. 1 Reply

Esperantisto rituale brulas Idisto(-figuro)

Started by William in Ido. Last reply by Rachel "Wil Sha" Morris Apr 5. 2 Replies

Idolinguo bezonas Duolingo por difuzar ol

Started by Johnathan in Ido. Last reply by Johnathan May 29, 2016. 9 Replies

Anki flashcards for Ido

Started by Brian E. Drake in Ido. Last reply by Kiran Feb 28, 2016. 1 Reply

© 2017   Created by Tiberio.   Powered by

Report an Issue  |  Terms of Service

border