Parolez Ido

 

Bona jorno amiki,

Ta forumo esas por ke omna membri povas montrar fotografuri di lia nacioni, stati, urbi, hem-loki, edc. Do, me komencas per pozar fotografuro di trafiko en la urbo Pune, India, ube me naskis ed edukesis por kelka yari. Un komuna traito di irga urbo en la mondo esas la denseso di trafiko ye la chosei e stradi, ka ne? Voluntez pozar fotografuri interesiva de vua landi hike, mem pri densa trafiko en urbi, por ke omna membri juos li, e tale vidos la mondo per imaji.

Kordiale,

Kiran

 

 

 

Views: 103

Reply to This

Replies to This Discussion

Bona ideo, Kiran. Me serchos bona fotografuro en mea arkivo por pozar hike o forsan ne devos obtenar la fotografuro apta por montrar a vi. Vartez kelkete, bonvole.

 

Swargate - autobuso e fervoyala staciono

 

Fotografuro di autobuso e fervoyala staciono en la urbo Pune, India. Ultre la autobusi videsas populara veturi quale auto-rikshai* (angle: auto-rickshaw) e motor-bicikli (angle: scooter, moped).

 

La temo esas bona ideo! Yen centro di Praha kun automobili e tram-veturi. Ne esas fotografuro da me, ma ol montras relative tipa videblajo hika.

Fotografuro mea dil Centro por Multopla Uzi, Hispane, Centro de Uso Multiples. En ta stadieto eventas multa aktivesi, sive sportiva, sive kulturala, e mem politikala o religiala. Kustumale ibe on ludas basketbalo, box-konkursi o Mexikiana luktado ("Lucha libre"). Ol apartenas al, posible, maxim granda ensemblo di sportiva strukturi di mea stato. Apud ta stadio esas olimpiala stadio, qua anke funcionas por futbalo; pluse, velodromo, olimpiala balnobaseno, gimnastikeyo, basebaleyo, amatora futbaleyo, e laste, nova stadieto por me-ne-savas qua sporto. Ultre, ibe existas edifico oficala pri finaci ube ni, la civitani povas (e mustas) pagar nia imposti. Un del kurioza kazi di ta edifici esas ke anke funcionas quale lojeyo por exterurbana lernanti pri sportala edukado, ed, ulo quan me vidis ulafoye, ibe on efektigas shako-konkursi. Nekredeble, havante tre neta e moderna strukturi en multa parti dil Centro, la shako-konkurso (statala) eventis en olda e leda chambri kun mala koldigosistemo. Lokizado dil CUM di Hermosillo: stradi Solidaridad e Perimetral Norte (Nordala perimetralo).
Ho, tu esas bona konocero di tua municipal aferi! L' imajo esas interesiva same quale la texto akompananta.

Hola amiki,

Esis interesiva saveskir pri la Centro por Multopla Uzi en Hermosillo, e vidar fotografuro di choseo en Praha. Me dankas vi.

 

Bona saturdio ad omni,

Yen fotografuro di choseo en Trivandram, India, inundita dum musono-sezono qua duras du o tri monati dum somere en India.

Bona jorno ad omni!

Yen fotografuro di turbo avan la monumento en Washington, DC, la chef-urbo di USA. Mea domo distas preske 40 kilometri de Washington, DC. Dum la pasinta semano me havis la okaziono voyajar proxim la urbo. Generale me ne prizas habitar granda urbo, ma ta tempe me remarkis quale bela ol esas.

 

 

Interesiva fotografuri dil musono e dil monumento en Washington. Me preferas habitar urbo, ma se la urbo esas granda, esas bona vivar en la sub-urbo, distante del centro betonoza e ciel-skraperoza. Me olim lektis, ke Washington D.C. ne esas tam mala ca-egarde, nam ibe - komprenende - nula edifico darfas esar plu alta kam la Kapitol.

Yen fotografuro di pilgrimeri Katolika en Svatá Hora (la Santa Monto) en Chekia:

 

 

 

 

Kampanio por krear Usana Ministerio di Paco

Reply to Discussion

RSS

Forum

Quale esas la vetero en vua loko ca-die?

Started by Marcus Trawick in Generala diskuti. Last reply by João X. M. Santos Aug 25, 2016. 1 Reply

Esperantisto rituale brulas Idisto(-figuro)

Started by William in Ido. Last reply by Rachel "Wil Sha" Morris Apr 5. 2 Replies

Idolinguo bezonas Duolingo por difuzar ol

Started by Johnathan in Ido. Last reply by Johnathan May 29, 2016. 9 Replies

Anki flashcards for Ido

Started by Brian E. Drake in Ido. Last reply by Kiran Feb 28, 2016. 1 Reply

© 2017   Created by Tiberio.   Powered by

Report an Issue  |  Terms of Service

border