Nova Direktantaro

[Lenadi Moucina]

La internaciona Ido-organizuro ULI havas nova direktantaro.

Omna 10 kandidati elektesis da la membri di la ULI:
Marion Kasper (Germania)
Dr. Thomas Schmidt (Germania)
Eberhard Scholz (Germania)
Steve Walesch (Luxemburgia)
Anvarzhon Zurajev (Estonia)
Don Gasper (Chinia)
Hans Stuifbergen (Nederlando)
Tiberio Madonna (Italia)
Jean Martignon (Francia)
Loic Landais (Francia)

 On vidas en la nova komitato anciena membri e nova membri. 

Lenadi

[Kiran]

Me dankas vu, Lenadi, pro informar ni omna pri la nov-elektita membri di la Direktanta Komitato (DK) di la Uniono por la Linguo Internaciona Ido (ULI). Me gratulas omna membri di la nova DK, e sendas bona deziri por sucesoza kun-laboro dum la venonta quar yari.

[Kiran]

(La Sekretario di la DK di la ULI informis ni lundie, 23 januaro, 2012)

Kara Idisti!

La mondala Ido-organizuro ULI (Uniono por la Linguo Internaciona) elektis nova direktantaro (Direktanta Komitato/DK) ye la fino di la pasinta yaro. Pos to la dek membri di la DK elektis interne la funcioni en la Direktanta Komitato.

Quale la nova sekretario di la ULI me volas informar vi pri la rezulto di ca elekti.

Ni esis en la bona situeso havir por onma ofico un kandidato. Ni havas nun bona e kompleta esquado por la laboro en la venonta yari. Segun la aktuala statuto di la ULI la nuna DK esas en la ofico til la yaro 2015.

Hike vi trovas la nomi e funcioni en la nova DK:

Prezidanto: Anvarzon Zurajev (Hispania/Estonia)
Vice-Prezidanto: Steve Walesch (Luxemburgia)
Sekretario: Dr. Thomas Schmidt (Germania)
Vice-Sekretario: Loic Landais (Francia)
Kasistino: Marion Kasper (Germania)
Sekretario por linguala questioni: Tiberio Madonna (Italia)
Membri sen ofico: Don Gasper (Chinia)
Jean Martignon (Francia)
Eberhard Scholz (Germania)
Hans Stuifbergen (Nederlando)

Ido ne povas avancar sen forta Ido-organizuro. La ULI bezonas la susteno e la idei di la tota Idistaro. Me tre joyus se vi esas pronta divenar membro di la ULI. Ni havas multa laboro e bezonas via helpo!

Amikala saluti
Thomas Schmidt
(Sekretario di la DK di la ULI)