Parolez Ido

Hola amiki,

Hike me propozas ke ni omna kunlaborez korektigar, kreskigar, e plubonigar la sequanta artikleto:

 

Futbalo (ante konocita kom pedbalono) esas la maxim populara esquado-sporto dil mondo. Ol havas la maxim granda nombro di diletanti e luderi. En landi di Europa, Afrika e Sud-Amerika, la futbalo esas pasiono. Milioni de personi spektas la ludi per televiziono e la quanteso de pekunio qua esas cirkum ica sporto esas tre importanta.

Singla kruo di futbalo havas 11 membri. Du krui disputas un ludo di 90 minuti dividita en 2 parti di 45 minuti singla.

La mondala administrerio dil futbalo esas FIFA (Fédération Internationale de Football Association), ma anke existas altra kontinentala administrerii sub olu. Tale, por Europa  existas UEFA, por Afrika CAF, por Nord-Amerika CONCACAF e por Sud-Amerika CONMEBOL.

Futbalo havas sua origino en Anglia dum 19ma yarcento e difuzesis tra la Europana landi pokope. FIFA kreesis ye l'unesma yari di 20ma yarcento e depos ica instanto, la populareso kreskis tra la tota mondo. Erste 1928 onu decidas krear mondala konkurenco por nacionala esquadi en Uruguay, mondala Kupo.

 

Qua helpos me?

Views: 50

Reply to This

Replies to This Discussion

Nu, kar amiki, me komencas redaktar la unesma du frazi. Me invitas via kontributo, korektiguri o sugesti, specale di lernanti dil Ido:

Futbalo esas la maxim populara esquado-sporto di la mondo, havante la maxim granda nombra diletanti e luderi. La sporto esas pasiono en Europa, Afrika, e Sud-Amerika.

Kara Kiran, quankam la futbalo ne es precize mea preferata ludo, me helpos tu plubonigar la artiklo. Exemple, me kredas ke la vorto "kruo" ne es apta tote en ca sportala kuntexto, nam me kredas ke la vorto apta esus ESQUADO. Kruo esus plu apta por persono qui komandas e sorgas navo o aerovehilo, ma certe la sporti havas sua alta raciono di partikularaji e me deskovras ke forsan kruo esus ulamaniere sinonimo di esquado.

Bona jorno Jose,

Me selektis la artiklo arbitriale kun la skopo di membrala kunlaboro plubonigar artikleti. Forsan nova lernanti di Ido profitus per tala kunlaboro, ed altri anke ganus linguala savo. Fakte, me prenis la artikleto de Idala wikipedio, e me ne olun skribis. Depos par-korektigar ni pozos ol itere en wikipedio. Se 'kruo' ne semblas apta a vu, ne timez remplasigar ol per plu apta vorto. Fakte, la vorto 'esquado' aparas en la unesma frazo. Dyer semblante donas militala senco ad 'esquado'. Anke existas 'trupo' kun ne-militala senco. On ne trovas 'kruo' en Dyer, e segun Pesch 'kruo' (kun steleto) havas la senco vu pri-parolas. Me nur deziras la partopreno di multa membri hike. Kune ni facos granda kozi!


Reply to Discussion

RSS

Forum

Quale esas la vetero en vua loko ca-die?

Started by Marcus Trawick in Generala diskuti. Last reply by João X. M. Santos Aug 25, 2016. 1 Reply

Esperantisto rituale brulas Idisto(-figuro)

Started by William in Ido. Last reply by Rachel "Wil Sha" Morris Apr 5. 2 Replies

Idolinguo bezonas Duolingo por difuzar ol

Started by Johnathan in Ido. Last reply by Johnathan May 29, 2016. 9 Replies

Anki flashcards for Ido

Started by Brian E. Drake in Ido. Last reply by Kiran Feb 28, 2016. 1 Reply

Rinovigita Dyer Dicionarii

Started by Brian E. Drake in Ido. Last reply by Brian E. Drake Feb 22, 2016. 2 Replies

© 2017   Created by Tiberio.   Powered by

Report an Issue  |  Terms of Service

border