Quale esas la vetero en vua loko ca-die?

[Marcus Trawick]

En Jacksonville, Florida en Usa.Tropikala nubi transiras la cielo. L'aero esas tre humida(80%), e poke varmega (33 gradi). Ni omni kompras provizi por la uraganala sezono.

.

[João X. M. Santos]

En São Paulo, Brazilia, nune (ye 22:45 kloki, nokto de la 25ma di agosto) la vetero esas humida (77%) e la temperaturo esas 17°C. Nune la dio komencis kun 12°C e nebulo dum l'auroro e la komenco dil dio, e gradope la suno aparis e la temperaturo augmentis til 23°C, e la humideso diminutis. Ni ne havas vento dum ta epoko (vintro) e la poluto dil aero kreskas dum la semano.