Parolez Ido

Usa vendos sua partopreno en Internacionala Kosmala Staciono a Chinia.

La prezidanto di Usa Barak Obama aprobis projeturo di Usaana Kongreso vendor la partopreno di Usa en Internacionala Kosmala Staciono a Chinia. Konsultanti ek NASA opinionas, ke la pekunio de vendo donos ad li posibleso sendor astronauti a Luno ye du yari plu frue.
Nun chiniana injeniori preparas nova varianto di sua kosmala shipo Shenzhou por adaptar ol segun etaloni di Internacionala Kosmala Staciono.
Fonti: http://www.membrana.ru/lenta/?9181 (ruslingua); http://news.xinhuanet.com/politics/2009-04/01/content_11109723.htm (chinalingua)

Views: 59

Reply to This

Replies to This Discussion

Danko, Rosto, very interesanta novajo.

Ma qua es "etaloni"?
Me kredas ke Rosto volis dicar pri etalono, la mezuri qui posedas l'Internaciona spacala staciono, quankam por me, la maxim apta esas "speciguri", vorto qua anke aparas en la Wikivortaro e signifikas A: specifications, H: especificaciones. Etalono semblas esas vorto plu apta por la monetala e financala feldo, parolante pri pezo-mezuri.

To quon la Chiniana injeniori facas esas ridesegnar lia kosmonavo por ke ol "fitos" en la spacala staciono. Ca negocado quan amba povozi (Usa e Chinia) entraprezas memorigas da me la TV-spektajo "Firefly" (Lampiro), ube Chinia ed Usa divenis povoza e militema uniono qua konquestas la spaco, ed aparte, preske la tota homaro.

Me volas kredar, ke Europo e anke Amerika Latina, India e Rusia esos en futuro granda potenti, ne nur Usa e Chinia. Esez multipolala mondo!

Vice "etalono" me komence intencis skribar "standardo", ya en la Angla, la Hispana, e anke en la Rusa ica vorto uzesas segun ica senco. Pri altra lingui me ne savis. Ma en la vortaro esas skribita, ke "standardo" esas nacinala flago. Me nun spektis en wikipedia, idala artiklo es normo. Germane esas Normung e anke Standardisierung. Danske e itale anke esas "standard". France esas Norme e anke Standard ube esas skribita pri "Distinction entre standard et norme". Esas stranje, ke Ido ne uzas vorto "standardo" segun sua internacionala senco. Ya "normo" esas ulo altra. Temperaturo di homala pelo 36 gradi segun Celsio esas normo.
NI establisez difero inter normo e speciguro. La unesma esus kozo ja adoptenda da irgu qua volus konstruktar o krear ulo, adoptita pro pakto, interkonsento, kustumo o "domeno". Exemple Windows kreus normo por irga programo qua intencus funcionar en ol.

Ca kaze, la Chiniani adaptis la konfiguro di lia navo segun la speciguri dil spacala staciono internaciona. Speciguri desegnita segun la bezoni dil astronauti/kosmonauti qui lojos en ol, pri la sekureso, la komodeso o la komforto. Lore, se depos la Chiniani, altra nacioni kopias la speciguri dil internaciona staciono por lia futura stacioni o naveti, lore olti divenos normo sequenda.

Quankam la senco di normo esas plu apta kam etalono, segun me vidas.

Pri la afero di aparo di nova supernaciona bloki, forsan oli esos la logika sequanta pazo aden la uniono dil homaro. Ma, ka ca nova supernacioni solvos la problemi di homaro? E to se ante ni ne interocidas.

Reply to Discussion

RSS

Forum

Quale esas la vetero en vua loko ca-die?

Started by Marcus Trawick in Generala diskuti. Last reply by João X. M. Santos Aug 25, 2016. 1 Reply

Esperantisto rituale brulas Idisto(-figuro)

Started by William in Ido. Last reply by Rachel "Wil Sha" Morris Apr 5. 2 Replies

Idolinguo bezonas Duolingo por difuzar ol

Started by Johnathan in Ido. Last reply by Johnathan May 29, 2016. 9 Replies

Anki flashcards for Ido

Started by Brian E. Drake in Ido. Last reply by Kiran Feb 28, 2016. 1 Reply

Rinovigita Dyer Dicionarii

Started by Brian E. Drake in Ido. Last reply by Brian E. Drake Feb 22, 2016. 2 Replies

© 2017   Created by Tiberio.   Powered by

Report an Issue  |  Terms of Service

border