Wikipedia

[Chabi]

Me volas dicar a l'Idistaro ke Wikipedia havas plu di 25.000 artikli!

Me volas anke informar pri la fakto ke ni havas mult artikli pri diferanta ciencala feldi ed pri historio di multa landi. Tale, nia Wikipedio esas isingla dio plu kompleta.

Pokope, Wikipedio kreskas en quanteso e qualeso di artikli, ma ica kreskado esas lenta nam nur tri personi kunlaboras ibe.

Me savas ke ni omna havas mult aferi ultre l'Idistaro ma, pro quo ne facar unu artiklo singla idisto? Ne granda artiklo, ma mikra, kun kelka frazi pri irgo?

Talemaniere, nia Wikipedio kreskos plu rapide.

[Chabi]

Me demandas denove helpo ad omni por skribar nov artikli che Wikipedio!

Kom me dicis altrafoye, Wikipedio esas fenestro al mondo por nia linguo e, se altri vidas ke ol existas grav artikli, kun multa e bona informo en Ido (pri irgo) e vidas ke nia artikli havas qualeso, Ido esos plu interesiva a li.

Wikipedio esas utensilo quan helpas a ni developar la linguo, krear nova vorti ed avancigar nia linguo.

Helpez!

[João X. M. Santos]

Kar amiki, nia amiko Chabi (Vicente) esas korekta. Nune (2016) ni havas plu kam 26,500 artikli, e la maxim multa esas kurta od anciena artikli, qui bezonas augmento di lua texti e korektigi en la gramatiko. Me facas kelka korektigi automatale, kun "macros" kreita per Office (Word) or OpenOffice (mea "macros" povas facar plu kam 200 korektigi, ma lua limito esas mea savo pri la linguo o la gramatiko...). Me kontinuas plugrandigar artikli, ma anke la limito esas mea savo pri Ido (qua kreskis dum la tempo, ma ne esas perfekta). Wikipedio esas interesanta projeto nam ol havas multa temi (cienco, arto, kulturo, historio, geografio...). L'artikli skribita ibe esas en publika domeno, to esas, ulu povas kopiar la informi por altra artikli, ripublikar la informi, korektigar o plugrandigar ol sen violacar autoroyuro.