Parolez Ido

Sociala reto

14 Februaro: tri pasinta eventi di ca dio

(Da DGW che la forumo Idolisto)
 
Ye ca dio, 14 februaro...

1779. La exploristo James Cook mortis en Hawaii. La triesma e lasta voyajo di James Cook, en du navi, komencis en julio 1776; la precipua skopo esis trovar la nord-westa voyo di norda Amerika. Il trovis la insuli di Hawaii; il pose exploris la westa marbordo di norda Amerika. La voyo tra la stretajo di Bering esis impedata pro glacio. La navani pasis la vintro ye Hawaii; kurte pos departo, un navo esis domajata ed ol retroiris a Hawaii. Dum ca duesma sejorno, pro disputi inter la navani ed indijeni, Cook e kelka navani esis ocidata.

1895. En London, la dramato "The Importance of Being Ernest", da Oscar Wilde, esis unesmafoye pleata. Ol esas komedio en qua la karakteri mantenas fiktiva vivo-manieri por evitar tedanta sociala obligesi, ed ol mokas la sociala kustumi di la ero. Ol esis la lasta dramato da Wilde; ol esis sucesoza, ma la produkturo konkluzis pos 85 pleadi: en mayo 1895, pos proceso, Wilde esis kondamnata pro granda nedecajo, ed il esis enkarcerigata.

1990. La kosmosondilo Voyager 1, dek yari pos ke ol preterpasis Saturno, e cirkume 6.000 milion km de Tero, prenis fotografuro di la sunala sistemo. La fotografuro, kompozata de plura imaji, montras sis planeti, inkluzanta Tero, qua esis perceptata kom pala blua punto. Ol esis la lasta fotografuro prenita da Voyager 1, nam la kameri pose esis klozata por konservar povo por altra mezurala equipajo di la sondilo. La mezurala equipajo nuntempe ankore funcionas.

Kordiale DGW

Views: 47

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

Tradukuri e verki originala

Komencita da Brian E. Drake en Ido. Maxim recenta respondo da Brian E. Drake Jul 15. 2 Replies

Ido por lerneyi

Komencita da François Barillon en Ido. Maxim recenta respondo da Holger Jul 27. 6 Replies

"Ido for all" lektas laute

Komencita da Richard Warburton en Ido. Maxim recenta respondo da Richard Warburton Jul 30. 2 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

© 2018   Created by Tiberio.   Powered by

Report an Issue  |  Terms of Service

border