Parolez Ido

Sociala reto

14 Marto: tri pasinta eventi di ca dio

(Da DGW che la forumo Idolisto)

Ye ca dio, 14 marto...

1681. En Magdeburg, la kompozisto Georg Philipp Telemann naskis. Il esis egardata dum lua vivo kom un de la precipua kompozisti di la periodo. Il produktis tre multa kompozuri. Il havis intereso pri muziko ye frua evo; evante 10 yari, il komencis kompozar. De 1701 il havis muzikala ofici, en Leipzig ed altra urbi. Il rezidis de 1721 en Hamburg, ube il esis muzikala direktisto di la kin precipua kirki dil urbo.

1790. William Bligh, recenta komandanto di  Britaniana navo HMS Bounty, arivis ye Britania, pos revolto en ilua navo ye la antea yaro, en la Pacifiko proxim Tonga. En aprilo 1789, la revoltanti, di qui la duktanto esis sub-mastro Fletcher Christian, ekpulsabis Bligh, pozante il e plura altri aden batelo. Bligh, arivinta en Britania, raportis la revolto a la Admiralerio. Ye la inquesto pri la perdo di la navo Bounty, il esis absolvata. En la Pacifiko, Fletcher ed altra revoltanti, kun kelka Tahitiani, eventuale trovis Pitcairn-insulo, qua esis mis-lokizita sur la navala mapo di Pacifika insuli; hike li incendiis la Bounty e li establisis su.

1879. En Ulm, Germania, la fizikisto Albert Einstein naskis. Il studiis ye la Federala Instituto di Teknologio en Zuerich, Suisia. En 1902 il komencis laborar ye patento-kontoro en Berne. La laboro ye la kontoro ne esis desfacila, ed il povis pensar pri problemi di fiziko pri qui il havis intereso. En 1905 il publikigis quar ciencala paperi, en qui aparis importanta idei pri la konstanta rapideso di lumo, pri quantum-fiziko e pri la relato inter energio e maso. Ca nova idei multe okupis la pensi di fizikisti dum sequanta yardeki.

 Kordiale DGW

Views: 66

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

Tradukuri e verki originala

Komencita da Brian E. Drake en Ido. Maxim recenta respondo da Brian E. Drake Jul 15. 2 Replies

Ido por lerneyi

Komencita da François Barillon en Ido. Maxim recenta respondo da Holger Jul 27. 6 Replies

"Ido for all" lektas laute

Komencita da Richard Warburton en Ido. Maxim recenta respondo da Richard Warburton Jul 30. 2 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

© 2018   Created by Tiberio.   Powered by

Report an Issue  |  Terms of Service

border