2012: kelka novajeti del duesma triimo di januaro

DE SUD-EUROPA ED AFRIKA
2012-01-13: Navo krucumal Costa Concordia kulbutis proxim l' insulo Giglio, central Italia; adminime dek homi mortis.

DE AMERIKA LATINA ED OCEANIA
2012-01-13: Anote Tonge itere elektesis kom la prezidantulo Kiribatiana — triesmafoye e finfoye.

DE NORD-EST-EUROPA E CENTRAL AZIA
2012-01-14: Manifesti kontre moyeni spariva dal prezidantulo konservista Traian Băsescu duras en Bucureşti ed altra urbi Rumaniana.

DE *CHINA
2012-01-15: Yinghuo-1 falis super l' Oceano sud-Pacifika, faliante esor l' unesma sondilo *Chinana a Marso.

DE SUD-WEST-AZIA
2012-01-15: La prezidantulo Sirana Bashar al-Assad ofris amnestio general di krimini depos la komenco di la revolto.

DE WEST-EUROPA E KANADA
2012-01-16: La fidindeso debajal dil Provizuro Europana di Stabileso Financal diminutesis de AAA ad AA+.

DE EST-AZIA
2012-01-17: On inquestos kazo di aquo-kultivisto Vietnamana, qua defensis su kontre evikto per torpedeti.

DE USA
2012-01-18: Angla Wikipedia ed altra ret-situi ek-swichis su por luktar kontre propozo di regulizo dil inter-reto en Usa.

NOVAJO INTERNACIONA
2012-01-19: Decido dal Uniono Internaciona dil *Telekomunikado pri aboliso di la sekundo bisextila ajornesis til la yaro 2015.