Parolez Ido

Sociala reto

26 Septembro: tri pasinta eventi di ca dio

(Da DGW che la forumo Idolisto)

Ye ca dio, 26 septembro...

1835. En Napoli, la opero "Lucia di Lammermoor", da Gaetano Donizetti, esis unesmafoye pleata. La fonto esis la romano "The Bride of Lammermoor" da Walter Scott; ol traktas rivaleso inter nobela Skota familii, quo detrimentas amor-afero. La opero aparis kande intereso en Europa pri Skotia esis granda, ed ol divenis sucesoza; ol restas kom la maxim famoza di la plura operi di Donizetti.

1945. En New York, la Hungariana kompozisto Béla Bartók mortis, evante 64 yari. Il ed ilua spozino livis Hungaria en 1940 e divenis rezidanti di New York. En Usa il esis konocata kom pianisto, ma il ne esis famoza kom kompozisto. Depos 1940, ilua saneso divenis sempre plu mala. Il kompozis kelka verki dum ca lasta yari: la Koncerto-peco por Orkestro, la Violino-sonato (skribita por Yehudi Menuhin) e la Piano-koncerto-peco no. 3.

1973. Concorde, la aeroplano qua flugis plu rapide kam sono, unesmafoye flugis sen-pauze trans la Atlantiko. La voyajo, de Washington a Paris, duris 3 hori e 32 minuti. La unesma flugi di Concorde eventis en 1969, e dum la sequanta yari la aeroplano vizitis plura landi por reklamar olua qualesi ed atraktar kompranti. Reguloza flugi kun pasajeri komencis en 1976.

Kordiale DGW

Views: 65

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

Tradukuri e verki originala

Komencita da Brian E. Drake en Ido. Maxim recenta respondo da Brian E. Drake Jul 15. 2 Replies

Ido por lerneyi

Komencita da François Barillon en Ido. Maxim recenta respondo da Holger Jul 27. 6 Replies

"Ido for all" lektas laute

Komencita da Richard Warburton en Ido. Maxim recenta respondo da Richard Warburton Jul 30. 2 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

© 2018   Created by Tiberio.   Powered by

Report an Issue  |  Terms of Service

border