Parolez Ido

Sociala reto

28 Februaro: tri pasinta eventi di ca dio

(Da DGW che la forumo Idolisto)

Ye ca dio, 28 februaro...

1155. Henry, filiulo di Henry 2ma di Anglia, naskis. Il esis la unesma filiulo di Henry 2ma qua posvivis infanteso. En 1170 il esis kronizata kom asociita rejulo di Henry 2ma; il pose esis kustumale nomizata Henry la Yuna Rejulo. Il esis charmiva viro, e divenis famoza turniranto en Europa. En 1173 il rebeleskis pro la povo di sua patro; la rebeleso duris 18 monati. Henry 2ma, helpita da diversa nobela asociiti, esis fine vinkoza, ed il duris regnar til morto en 1189. Henry la Yuna Rejulo ne divenis propra rejulo, nam il mortis ante sua patro, en 1183.

1920. La orkestrala versiono di "Le Tombeau de Couperin", da Maurice Ravel, esis unesmafoye pleata. La originala versiono por piano esis kompozita de 1914 til 1917; la sis movimenti esis en baroka stilo, de la tempo di la kompozisto François Couperin (1668–1733); singla movimento esis skribata por memorigo di amiko di Ravel qua mortis en la mondomilito. Quar de la movementi esis selektata por la orkestrala versiono.

1986. Olof Palme, chefministro di Suedia, ocidesis per pafilo dum ke il pediris kun ilua spozino de cinemo en Stockholm. Il esis duktanto di la Sueda Sociala-Demokratiala Partiso de 1969 til morto, e chefministro de 1969 til 1976 e de 1982 til morto. Du yari pos la evento, sen-signifika kriminanto Christer Pettersson kondamnesis pro la ocido; plu tarde, la kondamno esis renversata ye apelo. La ocido esas ankore ne-solvita; diversa teorii esas sugestita pri la afero.

Kordiale DGW

Views: 39

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

"Ido for all" lektas laute

Komencita da Richard Warburton aden Ido Jan 7. 0 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

Esperantisto rituale brulas Idisto(-figuro)

Komencita da William en Ido. Maxim recenta respondo da Rachel "Wil Sha" Morris Apr 6, 2017. 2 Replies

Idolinguo bezonas Duolingo por difuzar ol

Komencita da Johnathan en Ido. Maxim recenta respondo da Johnathan May 29, 2016. 9 Replies

© 2018   Created by Tiberio.   Powered by

Report an Issue  |  Terms of Service

border