Parolez Ido

Sociala reto

29 Agosto: tri pasinta eventi di ca dio

(Da DGW che la forumo Idolisto)

Ye ca dio, 29 agosto...

1862. En Gent, Belgia, la skribisto Maurice Maeterlinck naskis. Il esas konocata pro ilua dramati, partikulare la frua verki. Ilua unesma dramato, "Princino Maleine", aparis en 1889. Sequanta dramati esis "La Intruzanto" di 1890, "La Blindi" di 1890 e "Pelléas e Mélisande" di 1892; plusa sequis dum ilua vivo. Ilua notenda ideo esis la "senmova dramato", en qua lo expresata esas ne la homala emoci, ma la extera povi qui koaktas homi.

1930. La lasta habitanti departis de St Kilda, grupo de insuli weste de Skotia. La insuli havas alta saliaji, e la maxim granda, Hirta, havas longeso cirkume 4 km. Dum yarcenti esis mikra izolata habitantaro, qua vivis per mutoni e kelka rekoltado. Dum la 19ma yarcento, turisti vizitis, e la habitanti saveskis pri la extera mondo; dum la unesma mondomilito esis militarala prezenteso. Dum la 1920-yardeko la plu multa de la habitanti departis, ed en 1928 nur 37 restis. En 1930 li demandis ke li esez formovata.

1965. La spaco-flugo di la Usana kosmonavo Gemini 5 esis kompleta. Ol esis la triesma flugo kun homi di la Gemini-projeto. La kosmonavo lansesis ye 21 agosto; la duro di la exkurso, 8 dii, esis duopla di la duro dil exkurso di Gemini 4: ol esis la duro di projetata voyajo a la luno. La voyajanti esis Gordon Cooper e Pete Conrad, qui facis plura experimenti, inkluzante fotografala experimenti, e medikala experimenti por saveskar ka longa spaco-flugo detrimentas saneso.

Kordiale DGW

Views: 41

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

"Ido for all" lektas laute

Komencita da Richard Warburton aden Ido Jan 7. 0 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

Esperantisto rituale brulas Idisto(-figuro)

Komencita da William en Ido. Maxim recenta respondo da Rachel "Wil Sha" Morris Apr 6, 2017. 2 Replies

Idolinguo bezonas Duolingo por difuzar ol

Komencita da Johnathan en Ido. Maxim recenta respondo da Johnathan May 29, 2016. 9 Replies

© 2018   Created by Tiberio.   Powered by

Report an Issue  |  Terms of Service

border