Parolez Ido

Sociala reto

6 Junio: tri pasinta eventi di ca dio

(Da DGW che la forumo Idolisto)

Ye ca dio, 6 junio...

1868. En Plymouth, Anglia, la exploristo Robert Falcon Scott naskis. Ilua frua kariero esis kom navala oficiro. Pos renkontro kun la prezidanto di la Rejala Geografiala Societo, qua havis intereso pri projetata expediciono ad Antarktika, en la navo Discovery, Scott divenis duktanto di ca expediciono. Ol duris de 1901 til 1904; en Antarktika, il atingis latitudo 82 gradi suda, cirkume 850 km de la suda polo. En duesma expediciono, voyajante en la navo Terra Nova, il atingis la suda polo en 1912, ma il mortis dum la retro-iro.

1881. La violinisto Henri Vieuxtemps mortis, evante 61 yari. Ilua genitori rezidis en Verviers en nuntempa Belgia; ilua patro esis amatora violinisto e fabrikanto di violini. Il unesmafoye koncertis evante sis yari. Il studiis kun la violinisto Charles Auguste de Bériot. Ankore yuna, il koncertis en Paris en 1829 ed en London en 1834. De 1846 til 1851 il rezidis en Santa Peterburg en Rusia, kom korto-muzikisto. Il anke esis kompozisto, skribante plura violino-koncerto-peci ed altra verki por la instrumento. Pos cerebrala stroko en 1873 il mustis cesar pleado.

1912. En la Aleutian-montaro en Alaska komencis eruptado, dum qua nova volkano, nomizita Novarupta, esis kreata. Ol esis la maxim granda volkanala eruptado di la 20ma yarcento. Dum 60 hori, cirkume 13 milion kilometro-kubi de cindri esis ejetata. Plura tertremi sequis la eruptado. Malgre la grandeso di la evento, esis nula morti. Valo esis plenigata per cindri de la volkano; ol esis nomizata la Valo di deka-mil Fumi, pro la multa fumaroli vidita en la valo kurte pos la evento.

Kordiale DGW

Views: 40

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

"Ido for all" lektas laute

Komencita da Richard Warburton aden Ido Jan 7. 0 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

Esperantisto rituale brulas Idisto(-figuro)

Komencita da William en Ido. Maxim recenta respondo da Rachel "Wil Sha" Morris Apr 6, 2017. 2 Replies

Idolinguo bezonas Duolingo por difuzar ol

Komencita da Johnathan en Ido. Maxim recenta respondo da Johnathan May 29, 2016. 9 Replies

© 2018   Created by Tiberio.   Powered by

Report an Issue  |  Terms of Service

border