Parolez Ido

Sociala reto

Tri pasinta eventi di ca dio, 11 Junio

(Da DGW che la forumo Idolisto)

Ye ca dio, 11 di junio …

1509. Henry la 8ma di Anglia, kurte pos ke il divenis rejo, esis mariajata ad Catherine de Aragon. En 1501 el esis mariajita ad Arthur, plu olda fratulo di Henry e heredanto di la trono; tamen Arthur mortis en 1502. Mary, filiino di Henry e Catherine, naskis en 1516; el esis lia unika filio, de sis, qua posvivis infanteso. En 1533 el divenis Mary la 1ma di Anglia, pos la morto di sua mi-fratulo Edward la 6ma.

1864. En München, la kompozisto Richard Strauss naskis. Ilua patro, chefa kornisto di la korto-opero dil urbo, instruktis yuna Richard pri muziko. Richard esis multe influata da la muziko di Richard Wagner, operi di qua il unesmafoye audis en 1874. Ilua unesma notenda orkestrala verko, la simfoniala poemo Don Juan, aparis en 1888. Il skribis plura plusa simfoniala poemi, exemple "Also sprach Zarathustra" (1896) ed "Ein Heldenleben" (1898); plu tarde en la kariero il kompozis plura operi, exemple "Der Rosenkavalier" (1911).

1955. Dum automobilo-konkurso ye Le Mans, Francia, 84 personi, inkluzante konkursanto Pierre Levegh, ocidesis, e plu kam cent esis vundata kande la vehilo di Levegh flugis vers spektanti pos koliziono: parti de la vehilo frapis spektanti, e la korpo di la vehilo brulis. Ol esis la maxim grava dizastro en la historio di automobilo-konkursi. Inquesto pri la dizastro konkluzis ke nula konkursanto esis responsanta, e ke la konkurso-voyo, konstruktita 30 yari antee, ne esis desegnita por tante rapida vehili.

Kordiale DGW

Views: 49

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

Tradukuri e verki originala

Komencita da Brian E. Drake en Ido. Maxim recenta respondo da Brian E. Drake Jul 15. 2 Replies

Ido por lerneyi

Komencita da François Barillon en Ido. Maxim recenta respondo da Holger Jul 27. 6 Replies

"Ido for all" lektas laute

Komencita da Richard Warburton en Ido. Maxim recenta respondo da Richard Warburton Jul 30. 2 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

© 2018   Created by Tiberio.   Powered by

Report an Issue  |  Terms of Service

border