Parolez Ido

Sociala reto

(Da DGW che la forumo Idolisto)
 
Ye ca dio, 11 julio...

1767. John Quincy Adams, Prezidanto di Usa de 1825 til 1829, naskis. Il esis filiulo di antea prezidanto John Adams. Dum yuneso il akompanis sua patro qua esis diplomacisto en Francia e pose en Nederlando; il anke rezidis en altra Europana landi. Il lernis plura lingui dum ca yari. En 1791 il divenis legisto. Il esis diplomacisto en plura Europana landi de 1794; il divenis Usana Sekretario di Stato de 1817 til 1825.

1937. En Los Angeles, Usa, George Gershwin mortis, evante 38 yari. Dum la lasta yaro, pos la unesma pleadi di ilua opero Porgy e Bess en New York en 1935, il rezidis en Hollywood por kompozar muziko por filmo. Frue en 1937 il sufris pro severa kapo-dolori, humoro-ocili e mala koordinado. Ca trubli divenis plu mala, e fine il mustis subisar kirurgiala operaco, qua ne esis sucesoza.

2012. La deskovro di nova satelito di Plutono esis anuncata; ol esis la kinesma satelito deskovrita di la nana planeto. Plura imaji fotografita de 26 junio til 9 julio 2012 da la Hubble-teleskopo esis analizata, quo duktis a ca rezultajo. La nomo Styx por la satelito esis anuncata, pos kelka debato, ye 2 julio 2013. Styx havas diametro inter 10 e 25 km, e la orbito, qua esis preske cirklatra quale la altra sateliti deskovrita, havas disto cirkume 42.000 km de Plutono.

Kordiale DGW

Views: 28

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

"Ido for all" lektas laute

Komencita da Richard Warburton aden Ido Jan 7. 0 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

Esperantisto rituale brulas Idisto(-figuro)

Komencita da William en Ido. Maxim recenta respondo da Rachel "Wil Sha" Morris Apr 6, 2017. 2 Replies

Idolinguo bezonas Duolingo por difuzar ol

Komencita da Johnathan en Ido. Maxim recenta respondo da Johnathan May 29, 2016. 9 Replies

© 2018   Created by Tiberio.   Powered by

Report an Issue  |  Terms of Service

border