Parolez Ido

Sociala reto

(Da DGW che la forumo Idolisto)
 
Ye ca dio, 24 januaro...

1946. En New York, la Simfonio en Tri Movimenti, da Igor Stravinsky, esis unesmafoye pleata, direktata da la kompozisto. Stravinsky skribis la verko dum 1942-1945; ol esis ilua unesma notenda verko depos ke il komencis rezidar en Usa. Il agnoskis ke la verko esis influata da eventi di la duesma mondo-milito.  Ol anke esis influata da altra kompozuri skribata dum ta periodo: la unesma movimenti inkluzas notenda parto por piano, prenita de piano-koncerto-peco quan il abandonabis; ol utiligas materio de altra abandonita projeti.

1972. En junglo en la insulo Guam, Japoniana soldato Shoichi Yokoi esis deskovrata da du lokala homi. Il esis serjento di la Imperiala Japoniana Armeo; pos la kapto di la insulo da Usana armeo en 1944, il ed altri celis su en kaverno. Quankam il saveskis en 1952 ke la duesma mondo-milito finis, il pensis ke kapteso esus shaminda. De 1964 il esis sola. Retroveninta a nuntempa Japonia, il esis mariajata e rezidis en la ruro, e divenis famoza en TV-sendaji.

1986. La kosmosondilo Voyager 2, lansita ye 20 agosto 1977, e ja facinta pasi di Jupitero e Saturno, atingis minima disto de la planeto Urano; ol esis 81.500 km super la nubi di la planeto. Dum la paso, ol deskovris plura sateliti di la planeto, e studiis la satelito Miranda, qua havas notende aspera surfaco. Ol trovis ke la radiado-zono di la planeto havas intenseso quante ta di Saturno, ed ol deskovris ke Urano havas magnetala feldo, di qua la kaudo esas deformata pro la granda axala inklineso di la planeto. En 1989, Voyager 2 preter-pasis Neptuno.

Kordiale DGW

Views: 30

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

Tradukuri e verki originala

Komencita da Brian E. Drake en Ido. Maxim recenta respondo da Brian E. Drake Jul 15. 2 Replies

Ido por lerneyi

Komencita da François Barillon en Ido. Maxim recenta respondo da Holger Jul 27. 6 Replies

"Ido for all" lektas laute

Komencita da Richard Warburton en Ido. Maxim recenta respondo da Richard Warburton Jul 30. 2 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

© 2018   Created by Tiberio.   Powered by

Report an Issue  |  Terms of Service

border