Parolez Ido

Sociala reto

(Da DGW che la forumo Idolisto)

Ye ca dio, 4 aprilo...

1721. Robert Walpole divenis la unesma chef-ministro di Granda Britania. Il naskis en la komtio Norfolk in 1676, e divenis membro di Parlamento en 1701. Kom chef-ministro il restauris fido a la borso pos la paniko pri la krulo dil Suda-Maro-kompanio en 1720. Il kreis fonduro por helpar pagar la nacionala debo. Il demisionis en 1742 kande la guvernerio akuzesis pri falsigar elekto en Chippenham en la komtio Wiltshire.

1929. En Germania, inventisto Karl Benz mortis, evante 84 yari. Pos studiado ye la universitato di Kalsruhe, de qua  il gradizesis en 1864 evante 19, il divenis injenioro. Il establisis sua propra kompanio en 1871, ed en 1879 il patentizis du-stroka gazolino-motoro. En 1885 il inventis veturo, kun tri roti e quar-stroka gazolino-motoro. La vehilo esis mekanikale fondita sur biciklo. Ol esis la unesma veturo specale desegnita kom havante olua propra povo, vice adaptita veturo.

1968. Apollo 6, kosmoprobilo di Usa, esis lansata. Ol esis la lasta probala flugo sen homi di la Apollo-projeto. La misiono duris cirkume dek hori. Malgre la plura malfuncioni qui eventis, inkluzante granda vibradi kurte pos lanseso, e rupto di ula kombusteblajo-linei, la flugo demonstris ke la spaconavo esus apta por flugo kun homi. Modifiki pose esis facata egarde la malfuncioni.

Kordiale DGW

Views: 37

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

Tradukuri e verki originala

Komencita da Brian E. Drake en Ido. Maxim recenta respondo da Brian E. Drake Jul 15. 2 Replies

Ido por lerneyi

Komencita da François Barillon en Ido. Maxim recenta respondo da Holger Jul 27. 6 Replies

"Ido for all" lektas laute

Komencita da Richard Warburton en Ido. Maxim recenta respondo da Richard Warburton Jul 30. 2 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

© 2018   Created by Tiberio.   Powered by

Report an Issue  |  Terms of Service

border