Parolez Ido

Sociala reto

(Da DGW che la forumo Idolisto)
Ye ca dio, 5 septembro...
1666. La Granda Fairo di London, qua destruktis multo di la urbo, finis pos tri dii. La fairo destruktis la mez-epoka centro di London, e cirkume 3200 domi esis perdata. Ne-multa homi mortis. Pos la evento, projeti esis propozata por nova aranjuri di stradi; tamen la urbo esis ri-konstruktata utiligante la antea strado-aranjuro, la domi konstruktita de briki o stoni, ne de ligno.
1774. En Greifswald an la Baltiko, la piktisto Caspar David Friedrich naskis. Il studiis en København, e de 1798 il rezidis en Dresden. Il piktis peizajo, ed esis inspirata da exkursi en norda Germania. Ilua maxim famoza pikturo esas "Vaganto sur la nebulo-maro", piktita en 1818, en qua la vaganto, ilua dorso vers la spektanto, stacas sur roko; avan il esas nebulo e rokoza saliaji. La detali prenesis de diversa loki observita da Friedrich dum ilua exkursi.
1977. La kosmosondilo Voyager 1 lansesis. Ca sondilo e Voyager 2 exploris fora planeti di la sunala sistemo; la projeto esis propozata dum la 1960-yardeko. Voyager 1 proximeskis Jupitero en januaro 1979 e komencis prenar fotografuri; multa fotografuri prenesis dum 48 hori cirkum 6 marto, kande minima disto de Jupitero atingesis. Partikulare notenda esis la satelito Io qua havas agiva volkani. Ye 12 novembro 1980 la sondilo atingis mimina disto de Saturno. Ol fotografis komplexa strukturi di la ringi di la planeto, e studiis la satelito Titano. Por atingar Titano, Voyager 1 mustis livar la ekliptiko di la sunala sistemo, do ol ne vizitis plusa planeti.
Kordiale DGW

Views: 40

Skribar komento

You need to be a member of Parolez Ido to add comments!

Join Parolez Ido

Personala Blogi

Forumo

Tradukuri e verki originala

Komencita da Brian E. Drake en Ido. Maxim recenta respondo da Brian E. Drake Jul 15. 2 Replies

Ido por lerneyi

Komencita da François Barillon en Ido. Maxim recenta respondo da Holger Jul 27. 6 Replies

"Ido for all" lektas laute

Komencita da Richard Warburton en Ido. Maxim recenta respondo da Richard Warburton Jul 30. 2 Replies

Speakers of Ido URGENTLY needed for a linguistic project

Komencita da Stephanie Silvan aden Ido May 10, 2017. 0 Replies

Quale esas la vetero en vua loko ca-die?

Komencita da Marcus Trawick en Generala diskuti. Maxim recenta respondo da João X. M. Santos Aug 26, 2016. 1 Reply

© 2018   Created by Tiberio.   Powered by

Report an Issue  |  Terms of Service

border